Srimadramayanam 7th Verse of Balakanda Sri Valmiki Maharshi

శ్రీ వాల్మీకి మహర్షి  రచించిన శ్రీమద్రామాయణం నందలి బాలకాండ లోని  7 వ సర్గము 

దశరథుని అమాత్యుల గుణనీత్యాదుల వర్ణనము

తస్యామాత్యా గుణైరాసన్నిక్ష్వాకోస్తు మహాత్మన: .

మన్త్రజ్ఞాశ్చేఙ్గితజ్ఞాశ్చ నిత్యం ప్రియహితే రతా: ..1.7.1..

అష్టౌ బభూవుర్వీరస్య తస్యామాత్యా యశస్విన: .

శుచయశ్చానురక్తాశ్చ రాజకృత్యేషు నిత్యశ: ..1.7.2..

ధృష్టిర్జయన్తో విజయస్సిద్ధార్థో హ్యర్థసాధక: .

అశోకో మన్త్రపాలశ్చ సుమన్త్రశ్చాష్టమో.?భవత్ ..1.7.3..

ఋత్విజౌ ద్వావభిమతౌ తస్యా.?.?స్తామృషిసత్తమౌ .

వసిష్ఠో వామదేవశ్చ మన్త్రిణశ్చ తథాపరే ..1.7.4..

విద్యావినీతా హ్రీమన్త: కుశలా నియతేన్ద్రియా: .

శ్రీమన్తశ్చ మహాత్మానశ్శాస్త్రజ్ఞా దృఢవిక్రమా: ..1.7.5..

కీర్తిమన్త: ప్రణిహితా: యథావచనకారిణ: .

తేజ: క్షమాయశ:ప్రాప్తా స్మితపూర్వాభిభాషిణ: ..1.7.6..

క్రోధాత్కామార్థహేతోర్వా న బ్రూయురనృతం వచ: .

తేషామవిదితం కిఞ్చిత్స్వేషు నాస్తి పరేషు వా .

క్రియమాణం కృతం వాపి చారేణాపి చికీర్షితమ్ ..1.7.7..

కుశలా వ్యవహారేషు సౌహృదేషు పరీక్షితా: .

ప్రాప్తకాలం తు తే దణ్డం ధారయేయుస్సుతేష్వపి ..1.7.8..

కోశసఙ్గ్రహణే యుక్తా బలస్య చ పరిగ్రహే .

అహితం చాపి పురుషం న విహింస్యురదూషకమ్ ..1.7.9..

వీరాశ్చ నియతోత్సాహా రాజశాస్త్రమనుష్ఠితా: .

శుచీనాం రక్షితారశ్చ నిత్యం విషయవాసినామ్ ..1.7.10..

బ్రహ్మ క్షత్రమహింసన్తస్తే కోశం సమపూరయన్ .

సుతీక్ష్ణదణ్డాస్సంప్రేక్ష్య పురుషస్య బలాబలమ్ ..1.7.11..

శుచీనామేకబుద్ధీనాం సర్వేషాం సమ్ప్రజానతామ్ .

నాసీత్పురే వా రాష్ట్రే వా మృషావాదీ నర: క్వచిత్ ..1.7.12..

కశ్చిన్న దుష్టస్తత్రాసీత్పరదారరతో నర: .

ప్రశాన్తం సర్వమేవాసీద్రాష్ట్రం పురవరం చ తత్ ..1.7.13..

సువాససస్సువేషాశ్చ తే చ సర్వే సుశీలిన: .

హితార్థం చ నరేన్ద్రస్య జాగ్రతో నయచక్షుషా ..1.7.14..

గురోర్గుణగృహీతాశ్చ ప్రఖ్యాతాశ్చ పరాక్రమే .

విదేశేష్వపి విజ్ఞాతాస్సర్వతో బుద్ధినిశ్చయాత్ ..1.7.15..

సన్ధివిగ్రహతత్త్వజ్ఞా: ప్రకృత్యా సమ్పదాన్వితా: ..1.7.16..

మన్త్రసంవరణే శక్తాశ్శ్లక్ష్ణాస్సూక్ష్మాసు బుద్ధిషు .

నీతిశాస్త్రవిశేషజ్ఞాస్సతతం ప్రియవాదిన: ..1.7.17..

ఈదృశైస్తైరమాత్యైస్తు రాజా దశరథో.?నఘ: .

ఉపపన్నో గుణోపేతైరన్వశాసద్వసున్ధరామ్ ..1.7.18..

అవేక్షమాణశ్చారేణ ప్రజా ధర్మేణ రఞ్జయన్ .

ప్రజానాం పాలనం కుర్వన్నధర్మాన్పరివర్జయన్ ..1.7.19..

విశ్రుతస్త్రిషు లోకేషు వదాన్యస్సత్యసఙ్గర: .

స తత్ర పురుషవ్యాఘ్రశ్శశాస పృథివీమిమామ్ ..1.7.20..

నాధ్యగచ్ఛద్విశిష్టం వా తుల్యం వా శత్రుమాత్మన: .

మిత్రవాన్నతసామన్త: ప్రతాపహతకణ్టక: ..1.7.21..

స శశాస జగద్రాజా దివం దేవపతిర్యథా .

తైర్మన్త్రిభిర్మన్త్రహితే నియుక్తై-

ర్వృతో.?నురక్తై: కుశలైస్సమర్థై: .

స పార్థివో దీప్తిమవాప యుక్త-

స్తేజోమయైర్గోభిరివోదితో.?ర్క: ..1.7.22..

ఇత్యార్షే శ్రీమద్రామాయణే వాల్మీకీయ ఆదికావ్యే బాలకాణ్డే సప్తమస్సర్గ:

శ్రీ వాల్మీకి మహర్షి రచించిన శ్రీమద్రామాయణం నందలి బాలకాండ లోని 8 వ సర్గము

Srimadramayanam 6th Verse of Balakanda Sri Valmiki Maharshi

శ్రీ వాల్మీకి మహర్షి  రచించిన శ్రీమద్రామాయణం నందలి బాలకాండ లోని  6 వ సర్గము 

దశరథుని రాజ్యములో పౌరుల సుఖైశ్వర్యాదుల వర్ణనము

తస్యాం పుర్యామయోధ్యాయాం వేదవిత్సర్వసఙ్గ్రహ: .

దీర్ఘదర్శీ మహాతేజా: పౌరజానపదప్రియ: ..1.6.1..

ఇక్ష్వాకూణామతిరథో యజ్వా ధర్మరతో వశీ .

మహర్షికల్పో రాజర్షిస్త్రిషు లోకేషు విశ్రుత: ..1.6.2..

బలవాన్నిహతామిత్రో మిత్రవాన్విజితేన్ద్రియ: .

ధనైశ్చ సఙ్గ్రహైశ్చాన్యైశ్శక్రవైశ్రవణోపమ: ..1.6.3..

యథా మనుర్మహాతేజా లోకస్య పరిరక్షితా .

తథా దశరథో రాజా వసఞ్జగదపాలయత్ .. 1.6.4..

తేన సత్యాభిసన్ధేన త్రివర్గమనుతిష్ఠతా .

పాలితా సా పురీ శ్రేష్ఠా ఇన్ద్రేణేవామరావతీ ..1.6.5..

తస్మిన్పురవరే హృష్టా ధర్మాత్మానో బహుశ్రుతా: .

నరాస్తుష్టా ధనైస్స్వైస్స్వైరలుబ్ధాస్సత్యవాదిన: ..1.6.6..

నాల్పసన్నిచయ: కశ్చిదాసీత్తస్మిన్ పురోత్తమే .

కుటుమ్బీ యో హ్యసిద్ధార్థో.?గవాశ్వధనధాన్యవాన్ ..1.6.7..

కామీ వా న కదర్యో వా నృశంస: పురుష: క్వచిత్ .

ద్రష్టుం శక్యమయోధ్యాయాన్నావిద్వాన్న చ నాస్తిక: ..1.6.8..

సర్వే నరాశ్చ నార్యశ్చ ధర్మశీలాస్సుసంయతా: .

ఉదితాశ్శీలవృత్తాభ్యాం మహర్షయ ఇవామలా: ..1.6.9..

నాకుణ్డలీ నామకుటీ నాస్రగ్వీ నాల్పభోగవాన్ .

నామృష్టో నానులిప్తాఙ్గో నాసుగన్ధశ్చ విద్యతే ..1.6.10..

నామృష్టభోజీ నాదాతా నాప్యనఙ్గదనిష్కధృక్ .

నాహస్తాభరణో వా.?పి దృశ్యతే నాప్యనాత్మవాన్ ..1.6.11..

నానాహితాగ్నిర్నాయజ్వా న క్షుద్రో వా న తస్కర: .

కశ్చిదాసీదయోధ్యాయాన్న చ నిర్వృత్తసఙ్కర: ..1.6.12..

స్వకర్మనిరతా నిత్యం బ్రాహ్మణా విజితేన్ద్రియా: .

దానాధ్యయనశీలాశ్చ సంయతాశ్చ పరిగ్రహే ..1.6.13..

న నాస్తికో నానృతకో న కశ్చిదబహుశ్రుత: .

నాసూయకో న చా.?శక్తో నావిద్వాన్విద్యతే తదా ..1.6.14..

నాషడఙ్గవిదత్రాసీన్నావ్రతో నాసహస్రద: .

న దీన: క్షిప్తచిత్తో వా వ్యథితో వా.?పి కశ్చన ..1.6.15..

కశ్చిన్నరో వా నారీ వా నాశ్రీమాన్నాప్యరూపవాన్ .

ద్రష్టుం శక్యమయోధ్యాయాం నాపి రాజన్యభక్తిమాన్ ..1.6.16..

వర్ణేష్వగ్ర్యచతుర్థేషు దేవతాతిథిపూజకా:.

కృతజ్ఞాశ్చ వదాన్యాశ్చ శూరా విక్రమసంయుతా: ..1.6.17..

దీర్ఘాయుషో నరాస్సర్వే ధర్మం సత్యం చ సంశ్రితా: .

సహితా: పుత్రపౌత్రైశ్చ నిత్యం స్త్రీభి: పురోత్తమే ..1.6.18..

క్షత్రం బ్రహ్మముఖం చాసీద్వైశ్యా: క్షత్రమనువ్రతా: .

శూద్రాస్స్వధర్మనిరతాస్త్రీన్వర్ణానుపచారిణ: ..1.6.19..

సా తేనేక్ష్వాకునాథేన పురీ సుపరిరక్షితా .

యథా పురస్తాన్మనునా మానవేన్ద్రేణ ధీమతా ..1.6.20..

యోధానామగ్నికల్పానాం పేశలానామమర్షిణామ్ .

సమ్పూర్ణా కృతవిద్యానాం గుహా కేసరిణామివ ..1.6.21..

కామ్భోజవిషయే జాతైర్బాహ్లీకైశ్చ హయోత్తమై: .

వనాయుజైర్నదీజైశ్చ పూర్ణా హరిహయోత్తమై:..1.6.22..

విన్ధ్యపర్వతజైర్మత్తై: పూర్ణా హైమవతైరపి .

మదాన్వితైరతిబలైర్మాతఙ్గై: పర్వతోపమై: ..1.6.23..

ఐరావతకులీనైశ్చ మహాపద్మకులైస్తథా .

అఞ్జనాదపి నిష్పన్నైర్వామనాదపి చ ద్విపైః ..1.6.24..

భద్రైర్మన్ద్రైర్మృగైశ్చైవ భద్రమన్ద్రమృగైస్తథా.

భద్రమన్ద్రైర్భద్రమృగైర్మృగమన్ద్రైశ్చ సా పురీ.

నిత్యమత్తైస్సదా పూర్ణా నాగైరచలసన్నిభై:..1.6.25..

సా యోజనే చ ద్వే భూయ: సత్యనామా ప్రకాశతే .

యస్యాం దశరథో రాజా వసన్ జగదపాలయత్ ..1.6.26..

తాం పురీం స మహాతేజా రాజా దశరథో మహాన్ .

శశాస శమితామిత్రో నక్షత్రాణీవ చన్ద్రమా: ..1.6.27..

తాం సత్యనామాం దృఢతోరణార్గలాం

గృహైర్విచిత్రైరుపశోభితాం శివామ్ .

పురీమయోధ్యాం నృసహస్రసఙ్కులాం

శశాస వై శక్రసమో మహీపతి: ..1.6.28..

ఇత్యార్షే శ్రీమద్రామాయణే వాల్మీకీయ ఆదికావ్యే బాలకాణ్డే షష్ఠస్సర్గ:

శ్రీ వాల్మీకి మహర్షి రచించిన శ్రీమద్రామాయణం నందలి బాలకాండ లోని 7 వ సర్గము

Srimadramayanam 5th Verse of Balakanda Sri Valmiki Maharshi

శ్రీ వాల్మీకి మహర్షి  రచించిన శ్రీమద్రామాయణం నందలి  బాలకాండ లోని  5 వ సర్గము

దశరథుడు పాలించుచున్న అయోధ్య గొప్పతనము.

 

సర్వా పూర్వమియం యేషామాసీత్కృత్స్నా వసున్ధరా .

ప్రజాపతిముపాదాయ నృపాణాం జయశాలినామ్ ..1.5.1..

యేషాం స సగరో నామ సాగరో యేన ఖానిత: .

షష్టి: పుత్రసహస్రాణి యం యాన్తం పర్యవారయన్ ..1.5.2..

ఇక్ష్వాకూణామిదం తేషాం రాజ్ఞాం వంశే మహాత్మనామ్ .

మహదుత్పన్నమాఖ్యానం రామాయణమితి శ్రుతమ్ ..1.5.3..

తదిదం వర్తయిష్యామి సర్వం నిఖిలమాదిత: .

ధర్మకామార్థసహితం శ్రోతవ్యమనసూయయా ..1.5.4..

కోసలో నామ ముదితస్స్ఫీతో జనపదో మహాన్ .

నివిష్టస్సరయూతీరే ప్రభూతధనధాన్యవాన్ ..1.5.5..

అయోధ్యా నామ నగరీ తత్రాసీల్లోకవిశ్రుతా .

మనునా మానవేన్ద్రేణ యా పురీ నిర్మితా స్వయమ్ ..1.5.6..

ఆయతా దశ చ ద్వే చ యోజనాని మహాపురీ .

శ్రీమతీ త్రీణి విస్తీర్ణా సువిభక్తమహాపథా ..1.5.7..

రాజమార్గేణ మహతా సువిభక్తేన శోభితా .

ముక్తపుష్పావకీర్ణేన జలసిక్తేన నిత్యశ: ..1.5.8..

తాం తు రాజా దశరథో మహారాష్ట్రవివర్ధన: .

పురీమావాసయామాస దివం దేవపతిర్యథా ..1.5.9..

కవాటతోరణవతీం సువిభక్తాన్తరాపణామ్ .

సర్వయన్త్రాయుధవతీముపేతాం సర్వశిల్పిభి: ..1.5.10..

సూతమాగధసమ్బాధాం శ్రీమతీమతులప్రభామ్ .

ఉచ్చాట్టాలధ్వజవతీం శతఘ్నీశతసఙ్కులామ్ ..1.5.11..

వధూనాటకసఙ్ఘైశ్చ సంయుక్తాం సర్వత: పురీమ్ .

ఉద్యానామ్రవణోపేతాం మహతీం సాలమేఖలామ్ ..1.5.12..

దుర్గగమ్భీరపరిఘాం దుర్గామన్యైర్దురాసదామ్ .

వాజివారణసమ్పూర్ణాం గోభిరుష్ట్రై: ఖరైస్తథా ..1.5.13..

సామన్తరాజసఙ్ఘైశ్చ బలికర్మభిరావృతామ్ .

నానాదేశనివాసైశ్చ వణిగ్భిరుపశోభితామ్ ..1.5.14..

ప్రాసాదై రత్నవికృతై: పర్వతైరుపశోభితామ్ .

కూటాగారైశ్చ సమ్పూర్ణామిన్ద్రస్యేవామరావతీమ్ ..1.5.15..

చిత్రామష్టాపదాకారాం నరనారీగణైర్యుతామ్ .

సర్వరత్నసమాకీర్ణాం విమానగృహశోభితామ్ ..1.5.16..

గృహగాఢామవిచ్ఛిద్రాం సమభూమౌ నివేశితామ్ .

శాలితణ్డులసమ్పూర్ణామిక్షుకాణ్డరసోదకామ్ ..1.5.17..

దున్దుభీభిర్మృదఙ్గైశ్చ వీణాభి: పణవైస్తథా .

నాదితాం భృశమత్యర్థం పృథివ్యాం తామనుత్తమామ్ ..1.5.18..

విమానమివ సిద్ధానాం తపసాధిగతం దివి .

సునివేశితవేశ్మాన్తాం నరోత్తమసమావృతామ్ ..1.5.19..

యే చ బాణైర్న విధ్యన్తి వివిక్తమపరాపరమ్ .

శబ్దవేధ్యం చ వితతం లఘుహస్తా విశారదా: ..1.5.20..

సింహవ్యాఘ్రవరాహాణాం మత్తానాం నర్దతాం వనే .

హన్తారో నిశితైశ్శస్త్రైర్బలాద్బాహుబలైరపి ..1.5.21..

తాదృశానాం సహస్రైస్తామభిపూర్ణాం మహారథై: .

పురీమావాసయామాస రాజా దశరథస్తదా ..1.5.22..

తామగ్నిమద్భిర్గుణవద్భిరావృతాం

ద్విజోత్తమైర్వేదషడఙ్గపారగై: .

సహస్రదైస్సత్యరతైర్మహాత్మభి –

ర్మహర్షికల్పై ఋషిభిశ్చ కేవలై: ..1.5.23..

ఇత్యార్షే శ్రీమద్రామాయణే వాల్మీకీయ ఆదికావ్యే బాలకాణ్డే పఞ్చమస్సర్గ:

శ్రీ వాల్మీకి మహర్షి రచించిన శ్రీమద్రామాయణం నందలి బాలకాండ లోని 6 వ సర్గము

Liquid Laundry Detergent Naturally Powers Out Tough Stains | How to use

Over View

1. New SA8 Liquid Concentrated Laundry Detergent has improved cleaning power, with a dual-enzyme performance that begins working immediately at breaking down the toughest stains.

2. With its exclusive Bioquest formula, it cares for clothes by keeping colours true and containing natural softeners to leave them feeling silky on the skin.

Benifits

VALUE FOR MONEY: New improved SA8 Liquid Concentrated Laundry Detergent like the original popular formula is concentrated giving economical cost per use.

1 Litre of SA8 cleans up to 100 wash loads.

LOW FOAMING FORMULA: Makes rinsing easy and saves water.

GENTLE ON THE ENVIRONMENT: SA8 Liquid contains ingredients derived from natural source. It is Phosphate free and dermatologist tested.

Suggested Usage

First, test on inconspicuous area to determine color fastness.

1 capful = 20 ml AMOUNT

1. Large machines (45-70 litres) 20 ml.
2. Medium machines (30-45 litres) 15 ml.
3. Small machines (20-30 litres) 10 ml.
4. Hand washing 10 ml per 10 litres of water.

For heavily soiled clothes, very hard water or used water; use an additional 10 ml.

Pre-treating: Wet the cloth with water and pour a small amount of Amway Home SA8 Liquid directly on the fabric.

Details:

Amway Home SA8 is the next generation of clean which cleans, pre-treats, softens and brightens clothes in one go, without leaving any harmful irritating residue

Product Claims

Amway Home SA8 Liquid is a powerful cleaning detergent that pre-treats, cleans, softens and brightens in one step.

• It also helps keep colors from fading.
• It is the perfect choice for cool and cold water washing.
• Cleans in all temperatures.
• Contains fluorescent whitening agent for long lasting whitening result. This BIOQUEST FORMULA product is concentrated, biodegradable and dermatologist tested.

Srimadramayanam 4th Verse of Balakanda Sri Valmiki Maharshi

శ్రీ వాల్మీకి మహర్షి  రచించిన శ్రీమద్రామాయణం నందలి బాలకాండ లోని  4 వ సర్గము

వాల్మీకి కుశలవులకు రామయణము ఉపదేశించుట, వారు రాముని ఎదుట గానము చేయుట.

ప్రాప్తరాజ్యస్య రామస్య వాల్మీకిర్భగవానృషి:.

చకార చరితం కృత్స్నం విచిత్రపదమాత్మవాన్..1.4.1..

చతుర్వింశత్సహస్రాణి శ్లోకానాముక్తవానృషి:.

తథా సర్గశతాన్పఞ్చ షట్కాణ్డాని తథోత్తరమ్ ..1.4.2..

కృత్వాపి తన్మహాప్రాజ్ఞస్సభవిష్యం సహోత్తరమ్.

చిన్తయామాస కోన్వేతత్ప్రయుఞ్జీయాదితి ప్రభు:..1.4.3..

తస్య చిన్తయమానస్య మహర్షేర్భావితాత్మన:.

అగృహ్ణీతాం తత: పాదౌ మునివేషౌ కుశీలవౌ ..1.4.4..

కుశీలవౌ తు ధర్మజ్ఞౌ రాజపుత్రౌ యశస్వినౌ.

భ్రాతరౌ స్వరసమ్పన్నౌ దదర్శాశ్రమవాసినౌ ..1.4.5..

స తు మేధావినౌ దృష్ట్వా వేదేషు పరినిష్ఠితౌ.

వేదోపబృంహణార్థాయ తావగ్రాహయత ప్రభు:..1.4.6..

కావ్యం రామాయణం కృత్స్నం సీతాయాశ్చరితం మహత్.

పౌలస్త్యవధమిత్యేవ చకార చరితవ్రత:..1.4.7..

పాఠ్యే గేయే చ మధురం ప్రమాణైస్త్రిభిరన్వితమ్.

జాతిభిస్సప్తభిర్బద్ధం తన్త్రీలయసమన్వితమ్..1.4.8..

రసైశ్శృఙ్గారకారుణ్యహాస్యవీరభయానకై:.

రౌద్రాదిభిశ్చ సంయుక్తం కావ్యమేతదగాయతామ్..1.4.9..

తౌ తు గాన్ధర్వతత్త్వజ్ఞౌ మూర్ఛనాస్థానకోవిదౌ.

భ్రాతరౌ స్వరసమ్పన్నౌ గన్ధర్వావివ రూపిణౌ..1.4.10..

రూపలక్షణసమ్పన్నౌ మధురస్వరభాషిణౌ.

బిమ్బాదివోద్ధృతౌ బిమ్బౌ రామదేహాత్తథా.?పరౌ..1.4.11..

తౌ రాజపుత్రౌ కార్త్స్న్యేన ధర్మ్యమాఖ్యానముత్తమమ్.

వాచోవిధేయం తత్సర్వం కృత్వా కావ్యమనిన్దితౌ..1.4.12..

ఋషీణాం చ ద్విజాతీనాం సాధూనాం చ సమాగమే.

యథోపదేశం తత్త్వజ్ఞౌ జగతుస్సుసమాహితౌ..1.4.13..

మహాత్మానౌ మహాభాగౌ సర్వలక్షణలక్షితౌ.

తౌ కదాచిత్సమేతానామృషీణాం భావితాత్మనామ్.

ఆసీనానాం సమీపస్థావిదం కావ్యమగాయతామ్..1.4.14..

తచ్ఛ్రుత్వా మునయస్సర్వే బాష్పపర్యాకులేక్షణా:.

సాధుసాధ్వితి తావూచు: పరం విస్మయమాగతా:..1.4.15..

తే ప్రీతమనసస్సర్వే మునయో ధర్మవత్సలా:.

ప్రశశంసు: ప్రశస్తవ్యౌ గాయమానౌ కుశీలవౌ..1.4.16..

అహో గీతస్య మాధుర్యం శ్లోకానాం చ విశేషత:.

చిరనిర్వృత్తమప్యేతత్ప్రత్యక్షమివ దర్శితమ్..1.4.17..

ప్రవిశ్య తావుభౌ సుష్ఠు భావం సమ్యగగాయతామ్.

సహితౌ మధురం రక్తం సమ్పన్నం స్వరసమ్పదా..1.4.18..

ఏవం ప్రశస్యమానౌ తౌ తపశ్శ్లాఘ్యైర్మహాత్మభి:.

సంరక్తతరమత్యర్థం మధురం తావగాయతామ్..1.4.19..

ప్రీత: కశ్చిన్మునిస్తాభ్యాం సంస్థిత: కలశం దదౌ.

ప్రసన్నో వల్కలం కశ్చిద్దదౌ తాభ్యాం మహాయశా:..1.4.20..

ఆశ్చర్యమిదమాఖ్యానం మునినా సమ్ప్రకీర్తితమ్.

పరం కవీనామాధారం సమాప్తం చ యథాక్రమమ్..1.4.21..

అభిగీతమిదం గీతం సర్వగీతేషు కోవిదౌ.

ఆయుష్యం పుష్టిజనకం సర్వశ్రుతిమనోహరమ్..1.4.22..

ప్రశస్యమానౌ సర్వత్ర కదాచిత్తత్ర గాయకౌ .

రథ్యాసు రాజమార్గేషు దదర్శ భరతాగ్రజ:..1.4.23..

స్వవేశ్మ చానీయ తదా భ్రాతరౌ స కుశీలవౌ.

పూజయామాస పూజార్హౌ రామశ్శత్రునిబర్హణ:..1.4.24..

ఆసీన: కాఞ్చనే దివ్యే స చ సింహాసనే ప్రభు:.

ఉపోపవిష్టస్సచివైర్భ్రాతృభిశ్చ పరన్తప:..1.4.25..

దృష్ట్వా తు రూపసమ్పన్నౌ తావుభౌ నియతస్తథా.

ఉవాచ లక్ష్మణం రామశ్శత్రుఘ్నం భరతం తదా..1.4.26..

శ్రూయతామిదమాఖ్యానమనయోర్దేవవర్చసో:.

విచిత్రార్థపదం సమ్యగ్గాయకౌ తావచోదయత్..1.4.27..

తౌ చాపి మధురం రక్తం స్వఞ్చితాయతనిస్వనమ్ .

తన్త్రీలయవదత్యర్థం విశ్రుతార్థమగాయతామ్ ..1.4.28..

హ్లాదయత్సర్వగాత్రాణి మనాంసి హృదయాని చ.

శ్రోత్రాశ్రయసుఖం గేయం తద్బభౌ జనసంసది..1.4.29..

ఇమౌ మునీ పార్థివలక్షణాన్వితౌ

కుశీలవౌ చైవ మహాతపస్వినౌ.

మమాపి తద్భూతికరం ప్రవక్ష్యతే

మహానుభావం చరితం నిబోధత..1.4.30..

తతస్తు తౌ రామవచ:ప్రచోదితా-

వగాయతాం మార్గవిధానసమ్పదా.

స చాపి రామ: పరిషద్గతశ్శనైః

బుభూషయా.?.?సక్తమనా బభూవ హ..1.4.31..

ఇత్యార్షే శ్రీమద్రామాయణే వాల్మీకీయ ఆదికావ్యే బాలకాణ్డే చతుర్థస్సర్గ:

శ్రీ వాల్మీకి మహర్షి రచించిన శ్రీమద్రామాయణం నందలి బాలకాండ లోని 5 వ సర్గము

Srimadramayanam 3th Verse of Balakanda Sri Valmiki Maharshi

శ్రీ వాల్మీకి మహర్షి  రచించిన శ్రీమద్రామాయణం నందలి బాలకాండ లోని  3 వ సర్గము

రామయణమునందలి విషయముల సంక్షిప్తవర్ణనము

శ్రుత్వా వస్తు సమగ్రం తద్ధర్మాత్మా ధర్మసంహితమ్ .

వ్యక్తమన్వేషతే భూయో యద్వృత్తం తస్య ధీమత: ..1.3.1..

ఉపస్పృశ్యోదకం సమ్యగ్మునిస్స్థిత్వా కృతాఞ్జలి: .

ప్రాచీనాగ్రేషు దర్భేషు ధర్మేణాన్వేషతే గతిమ్ ..1.3.2..

రామలక్ష్మణసీతాభీ రాజ్ఞా దశరథేన చ .

సభార్యేణ సరాష్ట్రేణ యత్ప్రాప్తం తత్ర తత్త్వత: ..1.3.3..

హసితం భాషితం చైవ గతిర్యా యచ్చ చేష్టితమ్ .

తత్సర్వం ధర్మవీర్యేణ యథావత్సమ్ప్రపశ్యతి ..1.3.4..

స్త్రీతృతీయేన చ తదా యత్ప్రాప్తం చరతా వనే .

సత్యసన్ధేన రామేణ తత్సర్వం చాన్వవేక్షితమ్ ..1.3.5..

తత: పశ్యతి ధర్మాత్మా తత్సర్వం యోగమాస్థిత: .

పురా యత్తత్ర నిర్వృత్తం పాణావామలకం యథా ..1.3.6..

తత్సర్వం తత్త్వతో దృష్ట్వా ధర్మేణ స మహాద్యుతి: .

అభిరామస్య రామస్య చరితం కర్తుముద్యత: ..1.3.7..

కామార్థగుణసంయుక్తం ధర్మార్థగుణవిస్తరమ్ .

సముద్రమివ రత్నాఢ్యం సర్వశ్రుతిమనోహరమ్ ..1.3.8..

స యథా కథితం పూర్వం నారదేన మహర్షిణా .

రఘువంశస్య చరితం చకార భగవానృషిః ..1.3.9..

జన్మ రామస్య సుమహద్వీర్యం సర్వానుకూలతామ్ .

లోకస్య ప్రియతాం క్షాన్తిం సౌమ్యతాం సత్యశీలతామ్ ..1.3.10..

నానాచిత్రకథాశ్చాన్యా విశ్వామిత్రసమాగమే .

జానక్యాశ్చ వివాహం చ ధనుషశ్చ విభేదనమ్ ..1.3.11..

రామరామవివాదం చ గుణాన్దాశరథేస్తథా .

తథా.?భిషేకం రామస్య కైకేయ్యా దుష్టభావతామ్ ..1.3.12..

విఘాతం చాభిషేకస్య రాఘవస్య వివాసనమ్ .

రాజ్ఞశ్శోకవిలాపం చ పరలోకస్య చాశ్రయమ్ ..1.3.13..

ప్రకృతీనాం విషాదం చ ప్రకృతీనాం విసర్జనమ్ .

నిషాదాధిపసంవాదం సూతోపావర్తనం తథా ..1.3.14..

గఙ్గాయాశ్చాపి సన్తారం భరద్వాజస్య దర్శనమ్ .

భరద్వాజాభ్యనుజ్ఞానాచ్చిత్రకూటస్య దర్శనమ్ ..1.3.15..

వాస్తుకర్మ నివేశం చ భరతాగమనం తథా .

ప్రసాదనం చ రామస్య పితుశ్చ సలిలక్రియామ్ ..1.3.16..

పాదుకాగ్ర్యాభిషేకం చ నన్దిగ్రామనివాసనమ్ .

దణ్డకారణ్యగమనం విరాధస్య వధం తథా ..1.3.17..

దర్శనం శరభఙ్గస్య సుతీక్ష్ణేన సమాగమమ్ .

అనసూయాసహాస్యామప్యఙ్గరాగస్య చార్పణమ్ ..1.3.18..

అగస్త్యదర్శనం చైవ జటాయోరభిసఙ్గమమ్ .

పఞ్చవట్యాశ్చ గమనం శూర్పణఖ్యాశ్చ దర్శనమ్ ..1.3.19..

శూర్పణఖ్యాశ్చ సంవాదం విరూపకరణం తథా .

వధం ఖరత్రిశిరసోరుత్థానం రావణస్య చ ..1.3.20..

మారీచస్య వధం చైవ వైదేహ్యా హరణం తథా .

రాఘవస్య విలాపం చ గృధ్రరాజనిబర్హణమ్ ..1.3.21..

కబన్ధదర్శనం చాపి పమ్పాయాశ్చాపి దర్శనమ్ .

శబర్యా: దర్శనం చైవ హనూమద్దర్శనం తథా ..1.3.22..

ఋశ్యమూకస్య గమనం సుగ్రీవేణ సమాగమమ్ .

ప్రత్యయోత్పాదనం సఖ్యం వాలిసుగ్రీవవిగ్రహమ్ ..1.3.23..

వాలిప్రమథనం చైవ సుగ్రీవప్రతిపాదనమ్ .

తారావిలాపం సమయం వర్షరాత్రనివాసనమ్ ..1.3.24..

కోపం రాఘవసింహస్య బలానాముపసఙ్గ్రహమ్ .

దిశ: ప్రస్థాపనం చైవ పృథివ్యాశ్చ నివేదనమ్ ..1.3.25..

అఙ్గులీయకదానం చ ఋక్షస్య బిలదర్శనమ్ .

ప్రాయోపవేశనం చాపి సమ్పాతేశ్చాపి దర్శనమ్ ..1.3.26..

పర్వతారోహణం చాపి సాగరస్యాపి లఙ్ఘనమ్ .

సముద్రవచనాచ్చైవ మైనాకస్య చ దర్శనమ్ ..1.3.27..

సింహికాయాశ్చ నిధనం లఙ్కామలయదర్శనమ్ .

రాత్రౌ లఙ్కాప్రవేశం చ ఏకస్యాథ విచిన్తనమ్ ..1.3.28..

దర్శనం రావణస్యాపి పుష్పకస్య చ దర్శనమ్ .

ఆపానభూమిగమనమవరోధస్య దర్శనమ్..1.3.29..

అశోకవనికాయానం సీతాయాశ్చపి దర్శనమ్ .

అభిజ్ఞానప్రదానం చ రావణస్య చ దర్శనమ్ ..1.3.30..

రాక్షసీతర్జనం చైవ త్రిజటాస్వప్నదర్శనమ్ .

మణిప్రదానం సీతాయా వృక్షభఙ్గం తథైవ చ ..1.3.31..

రాక్షసీవిద్రవం చైవ కిఙ్కరాణాం నిబర్హణమ్ .

గ్రహణం వాయుసూనోశ్చ లఙ్కాదాహాభిగర్జనమ్ ..1.3.32..

ప్రతిప్లవనమేవాథ మధూనాం హరణం తథా .

రాఘవాశ్వాసనం చాపి మణినిర్యాతనం తథా ..1.3.33..

సఙ్గమం చ సముద్రేణ నలసేతోశ్చ బన్ధనమ్ .

ప్రతారం చ సముద్రస్య రాత్రౌ లఙ్కావరోధనమ్ ..1.3.34..

విభీషణేన సంసర్గం వధోపాయనివేదనమ్ .

కుమ్భకర్ణస్య నిధనం మేఘనాదనిబర్హణమ్ ..1.3.35..

రావణస్య వినాశం చ సీతావాప్తిమరే: పురే .

విభీషణాభిషేకం చ పుష్పకస్య చ దర్శనమ్ ..1.3.36..

అయోధ్యాయాశ్చ గమనం భరతేన సమాగమమ్ .

రామాభిషేకాభ్యుదయం సర్వసైన్యవిసర్జనమ్.

స్వరాష్ట్రరఞ్జనం చైవ వైదేహ్యాశ్చ విసర్జనమ్..1.3.37..

అనాగతం చ యత్కిఞ్చిద్రామస్య వసుధాతలే .

తచ్చకారోత్తరే కావ్యే వాల్మీకిర్భగవానృషి: ..1.3.38..

ఇత్యార్షే శ్రీమద్రామాయణే వాల్మీకీయ ఆదికావ్యే బాలకాణ్డే తృతీయస్సర్గ:

శ్రీ వాల్మీకి మహర్షి రచించిన శ్రీమద్రామాయణం నందలి బాలకాండ లోని 4 వ సర్గము

Srimadramayanam 2nd Verse of Balakanda Sri Valmiki Maharshi

శ్రీ వాల్మీకి మహర్షి  రచించిన శ్రీమద్రామాయణం నందలి బాలకాండ లోని  2 వ సర్గము

రామచరితమును కావ్యముగా రచింపుమని బ్రహ్మ వాల్మీకిని ఆదేశించుట.

నారదస్య తు తద్వాక్యం శ్రుత్వా వాక్యవిశారద:.

పూజయామాస ధర్మాత్మా సహశిష్యో మహాముని: ..1.2.1..

యథావత్పూజితస్తేన దేవర్షిర్నారదస్తదా .

ఆపృష్ట్వైవాభ్యనుజ్ఞాతస్స జగామ విహాయసమ్ ..1.2.2..

స ముహూర్తం గతే తస్మిన్దేవలోకం మునిస్తదా .

జగామ తమసాతీరం జాహ్నవ్యాస్త్వవిదూరత: ..1.2.3..

స తు తీరం సమాసాద్య తమసాయా మహాముని: .

శిష్యమాహ స్థితం పార్శ్వే దృష్ట్వా తీర్థమకర్దమమ్ ..1.2.4..

అకర్దమమిదం తీర్థం భరద్వాజ నిశామయ .

రమణీయం ప్రసన్నామ్బు సన్మనుష్యమనో యథా ..1.2.5..

న్యస్యతాం కలశస్తాత దీయతాం వల్కలం మమ .

ఇదమేవావగాహిష్యే తమసాతీర్థముత్తమమ్ ..1.2.6..

ఏవముక్తో భరద్వాజో వాల్మీకేన మహాత్మనా .

ప్రాయచ్ఛత మునేస్తస్య వల్కలం నియతో గురో: ..1.2.7..

స శిష్యహస్తాదాదాయ వల్కలం నియతేన్ద్రియ: .

విచచార హ పశ్యంస్తత్సర్వతో విపులం వనమ్ ..1.2.8..

తస్యాభ్యాశే తు మిథునం చరన్తమనపాయినమ్ .

దదర్శ భగవాంస్తత్ర క్రౌఞ్చయోశ్చారునిస్వనమ్ ..1.2.9..

తస్మాత్తు మిథునాదేకం పుమాంసం పాపనిశ్చయ: .

జఘాన వైరనిలయో నిషాదస్తస్య పశ్యత: ..1.2.10..

తం శోణితపరీతాఙ్గం వేష్టమానం మహీతలే .

భార్యా తు నిహతం దృష్ట్వా రురావ కరుణాం గిరమ్ ..1.2.11..

వియుక్తా పతినా తేన ద్విజేన సహచారిణా .

తామ్రశీర్షేణ మత్తేన పత్రిణా సహితేన వై ..1.2.12..

తదా తు తం ద్విజం దృష్ట్వా నిషాదేన నిపాతితమ్ .

ఋషేర్ధర్మాత్మనస్తస్య కారుణ్యం సమపద్యత ..1.2.13..

తత: కరుణవేదిత్వాదధర్మో.?యమితి ద్విజ: .

నిశామ్య రుదతీం క్రౌఞ్చీమిదం వచనమబ్రవీత్ ..1.2.14..

మా నిషాద ప్రతిష్ఠాం త్వమగమశ్శాశ్వతీస్సమా: .

యత్క్రౌఞ్చమిథునాదేకమవధీ: కామమోహితమ్ ..1.2.15.. 15

తస్యైవం బ్రువతశ్చిన్తా బభూవ హృది వీక్షతః .

శోకార్తేనాస్య శకునే: కిమిదం వ్యాహృతం మయా ..1.2.16..

చిన్తయన్స మహాప్రాజ్ఞశ్చకార మతిమాన్మతిమ్ .

శిష్యం చైవా.?బ్రవీద్వాక్యమిదం స మునిపుఙ్గవ: ..1.2.17..

పాదబద్ధో.?క్షరసమస్తన్త్రీలయసమన్విత: .

శోకార్తస్య ప్రవృత్తో మే శ్లోకో భవతు నాన్యథా ..1.2.18..

శిష్యస్తు తస్య బ్రువతో మునేర్వాక్యమనుత్తమమ్ .

ప్రతిజగ్రాహ సంహృష్టస్తస్య తుష్టో.?భవద్గురు: ..1.2.19..

సో.?భిషేకం తత: కృత్వా తీర్థే తస్మిన్యథావిధి .

తమేవ చిన్తయన్నర్థముపావర్తత వై ముని: ..1.2.20..

భరద్వాజస్తతశ్శిష్యో వినీతశ్శ్రుతవాన్మునేః .

కలశం పూర్ణమాదాయ పృష్ఠతో.?నుజగామ హ ..1.2.21..

స ప్రవిశ్యాశ్రమపదం శిష్యేణ సహ ధర్మవిత్ .

ఉపవిష్ట: కథాశ్చాన్యాశ్చకార ధ్యానమాస్థిత: ..1.2.22..

ఆజగామ తతో బ్రహ్మా లోకకర్తా స్వయం ప్రభు: .

చతుర్ముఖో మహాతేజా ద్రష్టుం తం మునిపుఙ్గవమ్ ..1.2.23..

వాల్మీకిరథ తం దృష్ట్వా సహసోత్థాయ వాగ్యత: .

ప్రాఞ్జలి: ప్రయతో భూత్వా తస్థౌ పరమవిస్మిత: ..1.2.24..

పూజయామాస తం దేవం పాద్యార్ఘ్యాసనవన్దనై: .

ప్రణమ్య విధివచ్చైనం పృష్ట్వా.?నామయమవ్యయమ్ ..1.2.25..

అథోపవిశ్య భగవానాసనే పరమార్చితే .

వాల్మీకయే మహర్షయే సన్దిదేశాసనం తత: ..1.2.26..

బ్రహ్మణా సమనుజ్ఞాతస్సో.?ప్యుపావిశదాసనే .

ఉపవిష్టే తదా తస్మిన్సర్వలోకపితామహే.

తద్గతేనైవ మనసా వాల్మీకిర్ధ్యానమాస్థిత: ..1.2.27..

పాపాత్మనా కృతం కష్టం వైరగ్రహణబుద్ధినా .

యస్తాదృశం చారురవం క్రౌఞ్చం హన్యాదకారణాత్ ..1.2.28..

శోచన్నేవ ముహు: క్రౌఞ్చీముపశ్లోకమిమం పున: .

జగావన్తర్గతమనా భూత్వా శోకపరాయణ: ..1.2.29..

తమువాచ తతో బ్రహ్మా ప్రహసన్మునిపుఙ్గవమ్ .

శ్లోక ఏవ త్వయా బద్ధో నాత్ర కార్యా విచారణా ..1.2.30..

మచ్ఛన్దాదేవ తే బ్రహ్మన్ ప్రవృత్తేయం సరస్వతీ .

రామస్య చరితం సర్వం కురు త్వమృషిసత్తమ ..1.2.31..

ధర్మాత్మనో గుణవతో లోకే రామస్య ధీమత: .

వృత్తం కథయ ధీరస్య యథా తే నారదాచ్ఛ్రుతమ్ ..1.2.32..

రహస్యం చ ప్రకాశం చ యద్వృత్తం తస్య ధీమత: .

రామస్య సహసౌమిత్రేః రాక్షసానాం చ సర్వశ: ..1.2.33..

వైదేహ్యాశ్చైవ యద్వృత్తం ప్రకాశం యది వా రహ: .

తచ్చాప్యవిదితం సర్వం విదితం తే భవిష్యతి ..1.2.34..

న తే వాగనృతా కావ్యే కాచిదత్ర భవిష్యతి .

కురు రామకథాం పుణ్యాం శ్లోకబద్ధాం మనోరమామ్ ..1.2.35..

యావత్ స్థాస్యన్తి గిరయస్సరితశ్చ మహీతలే .

తావద్రామాయణకథా లోకేషు ప్రచరిష్యతి ..1.2.36..

యావద్రామాయణకథా త్వత్కృతా ప్రచరిష్యతి .

తావదూర్ధ్వమధశ్చ త్వం మల్లోకేషు నివత్స్యసి ..1.2.37..

ఇత్యుక్త్వా భగవాన్బ్రహ్మా తత్రైవాన్తరధీయత .

తతస్సశిష్యో భగవాన్మునిర్విస్మయమాయయౌ ..1.2.38..

తస్య శిష్యాస్తతస్సర్వే జగుశ్శ్లోకమిమం పున: .

ముహుర్ముహు: ప్రీయమాణా: ప్రాహుశ్చ భృశవిస్మితా: ..1.2.39..

సమాక్షరైశ్చతుర్భిర్య: పాదైర్గీతో మహర్షిణా .

సో.?నువ్యాహరణాద్భూయశ్శ్లోకశ్శ్లోకత్వమాగత: ..1.2.40..

తస్య బుద్ధిరియం జాతా వాల్మీకేర్భావితాత్మన: .

కృత్స్నం రామాయణం కావ్యమీదృశై: కరవాణ్యహమ్ ..1.2.41..

ఉదారవృత్తార్థపదైర్మనోరమైః

తదాస్య రామస్య చకారకీర్తిమాన్ .

సమాక్షరైశ్శ్లోకశతైర్యశస్వినో

యశస్కరం కావ్యముదారధీర్ముని: ..1.2.42..

తదుపగతసమాససన్ధియోగం

సమమధురోపనతార్థవాక్యబద్ధమ్ .

రఘువరచరితం మునిప్రణీతం

దశశిరసశ్చ వధం నిశామయధ్వమ్ ..1.2.43..

ఇత్యార్షే శ్రీమద్రామాయణే వాల్మీకీయ ఆదికావ్యే బాలకాణ్డే ద్వితీయస్సర్గ:

శ్రీ వాల్మీకి మహర్షి రచించిన శ్రీమద్రామాయణం నందలి బాలకాండ లోని 3 వ సర్గము

Srimadramayanam 1st Verse of Balakanda Sri Valmiki Maharshi

శ్రీ వాల్మీకి మహర్షి  రచించిన శ్రీమద్రామాయణం నందలి బాలకాండ లోని  1 వ సర్గము

నారదుడు వాల్మీకికి రామకథ సంక్షిప్తముగా తెలుపుట

తపస్స్వాధ్యాయనిరతం తపస్వీ వాగ్విదాం వరమ్ .

నారదం పరిపప్రచ్ఛ వాల్మీకిర్మునిపుఙ్గవమ్ ..1.1.1..

కోన్వస్మిన్సామ్ప్రతం లోకే గుణవాన్కశ్చ వీర్యవాన్ .

ధర్మజ్ఞశ్చ కృతజ్ఞశ్చ సత్యవాక్యో దృఢవ్రత:..1.1.2..

చారిత్రేణ చ కో యుక్తస్సర్వభూతేషు కో హిత: .

విద్వాన్క: కస్సమర్థశ్చ కశ్చైకప్రియదర్శన: ..1.1.3..

ఆత్మవాన్కో జితక్రోధో ద్యుతిమాన్కో.?నసూయక: .

కస్య బిభ్యతి దేవాశ్చ జాతరోషస్య సంయుగే ..1.1.4..

ఏతదిచ్ఛామ్యహం శ్రోతుం పరం కౌతూహలం హి మే .

మహర్షే త్వం సమర్థో.?సి జ్ఞాతుమేవంవిధం నరమ్ ..1.1.5..

శ్రుత్వా చైత??త్?ి?త్రలోకజ్ఞో వాల్మీకేర్నారదో వచ: .

శ్రూయతామితి చామన్త్?త్ర్య ప్రహృష్టో వాక్యమబ్రవీత్ ..1.1.6..

బహవో దుర్లభాశ్చైవ యే త్వయా కీర్తితా గుణా: .

మునే వక్ష్యామ్యహం బుద్ధ్వా తైర్యుక్తశ్శ్రూయతాన్నర: ..1.1.7..

ఇక్ష్వాకువంశప్రభవో రామో నామ జనైశ్శ్రుత: .

నియతాత్మా మహావీర్యో ద్యుతిమాన్ధృతిమాన్ వశీ ..1.1.8..

బుద్ధిమాన్నీతిమాన్వాగ్మీ శ్రీమాన్ శత్రునిబర్హణ: .

విపులాంసో మహాబాహు: కమ్బుగ్రీవో మహాహను: ..1.1.9.. 1-1-9-

మహోరస్కో మహేష్వాసో గూఢజత్రురరిన్దమః .

ఆజానుబాహుస్సుశిరాస్సులలాటస్సువిక్రమః ..1.1.10..

సమస్సమవిభక్తాఙ్గస్స్నిగ్ధవర్ణ: ప్రతాపవాన్ .

పీనవక్షా విశాలాక్షో లక్ష్మీవాన్ శుభలక్షణః .. 1.1.11..

ధర్మజ్ఞస్సత్యసన్ధశ్చ ప్రజానాం చ హితే రతః .

యశస్వీ జ్ఞానసమ్పన్నశ్శుచిర్వశ్యస్సమాధిమాన్ ..1.1.12..

ప్రజాపతిసమశ్శ్రీమాన్ ధాతా రిపునిషూదనః .

రక్షితా జీవలోకస్య ధర్మస్య పరిరక్షితా ..1.1.13..

రక్షితా స్వస్య ధర్మస్య స్వజనస్య చ రక్షితా .

వేదవేదాఙ్గతత్త్వజ్ఞో ధనుర్వేదే చ నిష్ఠితః ..1.1.14..

సర్వశాస్త్రార్థతత్త్వజ్ఞస్స్మృతిమాన్ప్రతిభానవాన్ .

సర్వలోకప్రియస్సాధురదీనాత్మా విచక్షణః ..1.1.15..

సర్వదాభిగతస్సద్భిస్సముద్ర ఇవ సిన్ధుభిః .

ఆర్యస్సర్వసమశ్చైవ సదైకప్రియదర్శనః ..1.1.16..

స చ సర్వగుణోపేత: కౌసల్యానన్దవర్ధన: .

సముద్ర ఇవ గామ్భీర్యే ధైర్యేణ హిమవానివ ..1.1.17..

విష్ణునా సదృశో వీర్యే సోమవత్ప్రియదర్శన: .

కాలాగ్నిసదృశ: క్రోధే క్షమయా పృథివీసమ: ..1.1.18..

ధనదేన సమస్త్యాగే సత్యే ధర్మ ఇవాపర: .

తమేవం గుణసమ్పన్నం రామం సత్యపరాక్రమమ్ ..1.1.19..

జ్యేష్ఠం శ్రేష్ఠగుణైర్యుక్తం ప్రియం దశరథస్సుతమ్ . 1-1-19-

ప్రకృతీనాం హితైర్యుక్తం ప్రకృతిప్రియకామ్యయా ..1.1.20..

యౌవరాజ్యేన సంయోక్తుమైచ్ఛత్ప్రీత్యా మహీపతి: . 1-1-20-

తస్యాభిషేకసమ్భారాన్దృష్ట్వా భార్యా.?థ కైకయీ ..1.1.21..

పూర్వం దత్తవరా దేవీ వరమేనమయాచత .

వివాసనం చ రామస్య భరతస్యాభిషేచనమ్ ..1.1.22..

స సత్యవచనాద్రాజా ధర్మపాశేన సంయత: .

వివాసయామాస సుతం రామం దశరథ: ప్రియమ్ ..1.1.23..

స జగామ వనం వీర: ప్రతిజ్ఞామనుపాలయన్.

పితుర్వచననిర్దేశాత్కైకేయ్యా: ప్రియకారణాత్ ..1.1.24..

తం వ్రజన్తం ప్రియో భ్రాతా లక్ష్మణో.?నుజగామ హ .

స్నేహాద్వినయసమ్పన్నస్సుమిత్రానన్దవర్ధన: ..1.1.25..

భ్రాతరం దయితో భ్రాతుస్సౌభ్రాత్రమనుదర్శయన్ .

రామస్య దయితా భార్యా నిత్యం ప్రాణసమా హితా ..1.1.26..

జనకస్య కులే జాతా దేవమాయేవ నిర్మితా .

సర్వలక్షణసమ్పన్నా నారీణాముత్తమా వధూ: ..1.1.27..

సీతాప్యనుగతా రామం శశినం రోహిణీ యథా .

పౌరైరనుగతో దూరం పిత్రా దశరథేన చ ..1.1.28..

శృఙ్గిబేరపురే సూతం గఙ్గాకూలే వ్యసర్జయత్ .

గుహమాసాద్య ధర్మాత్మా నిషాదాధిపతిం ప్రియమ్ ..1.1.29..

గుహేన సహితో రామో లక్ష్మణేన చ సీతయా .

తే వనేన వనం గత్వా నదీస్తీర్త్వా బహూదకా: ..1.1.30..

చిత్రకూటమనుప్రాప్య భరద్వాజస్య శాసనాత్ .

రమ్యమావసథం కృత్వా రమమాణా వనే త్రయ: ..1.1.31..

దేవగన్ధర్వసఙ్కాశాస్తత్ర తే న్యవసన్ సుఖమ్ .

చిత్రకూటం గతే రామే పుత్రశోకాతురస్తథా ..1.1.32..

రాజా దశరథస్స్వర్గం జగామ విలపన్సుతమ్ .

మృతే తు తస్మిన్భరతో వసిష్ఠప్రముఖైర్ద్విజై: .. 1.1.33..

నియుజ్యమానో రాజ్యాయ నైచ్ఛద్రాజ్యం మహాబల:.

స జగామ వనం వీరో రామపాదప్రసాదక: .. 1.1.34 ..

గత్వా తు సుమహాత్మానం రామం సత్యపరాక్రమమ్ .

అయాచద్భ్రాతరం రామమార్యభావపురస్కృత: ..1.1.35..

త్వమేవ రాజా ధర్మజ్ఞ ఇతి రామం వచో.?బ్రవీత్ .

రామో.?పి పరమోదారస్సుముఖస్సుమహాయశా: .

న చైచ్ఛత్పితురాదేశాద్రాజ్యం రామో మహాబల: ..1.1.36..

పాదుకే చాస్య రాజ్యాయ న్యాసం దత్వా పున:పున: .

నివర్తయామాస తతో భరతం భరతాగ్రజ: ..1.1.37..

స కామమనవాప్యైవ రామపాదావుపస్పృశన్ ..1.1.38..

నన్దిగ్రామే.?కరోద్రాజ్యం రామాగమనకాఙ్క్షయా .

గతే తు భరతే శ్రీమాన్ సత్యసన్ధో జితేన్ద్రియ: ..1.1.39..

రామస్తు పునరాలక్ష్య నాగరస్య జనస్య చ .

తత్రాగమనమేకాగ్రో దణ్డకాన్ప్రవివేశ హ ..1.1.40..

ప్రవిశ్య తు మహారణ్యం రామో రాజీవలోచనః .

విరాధం రాక్షసం హత్వా శరభఙ్గం దదర్శ హ ..1.1.41..

సుతీక్ష్ణం చాప్యగస్త్యం చ అగస్త్యభ్రాతరం తథా .

అగస్త్యవచనాచ్చైవ జగ్రాహైన్ద్రం శరాసనమ్ ..1.1.42..

ఖడ్గం చ పరమప్రీతస్తూణీ చాక్షయసాయకౌ .

వసతస్తస్య రామస్య వనే వనచరైస్సహ .

ఋషయో.?భ్యాగమన్సర్వే వధాయాసురరక్షసామ్ ..1.1.43..

స తేషాం ప్రతిశుశ్రావ రాక్షసానాం తథా వనే ..1.1.44..

ప్రతిజ్ఞాతశ్చ రామేణ వధస్సంయతి రక్షసామ్ .

ఋషీణామగ్నికల్పానాం దణ్డకారణ్యవాసినామ్ ..1.1.45..

తేన తత్రైవ వసతా జనస్థాననివాసినీ .

విరూపితా శూర్పణఖా రాక్షసీ కామరూపిణీ ..1.1.46..

తతశ్శూర్పణఖావాక్యాదుద్యుక్తాన్సర్వరాక్షసాన్ .

ఖరం త్రిశిరసం చైవ దూషణం చైవ రాక్షసమ్ ..1.1.47..

నిజఘాన వనే రామస్తేషాం చైవ పదానుగాన్ .

వనే తస్మిన్నివసతా జనస్థాననివాసినామ్ ..1.1.48..

రక్షసాం నిహతాన్యాసన్సహస్రాణి చతుర్దశ .

తతో జ్ఞాతివధం శ్రుత్వా రావణః క్రోధమూర్ఛితః ..1.1.49..

సహాయం వరయామాస మారీచం నామ రాక్షసమ్ .

వార్యమాణస్సుబహుశో మారీచేన స రావణః ..1.1.50..

న విరోధో బలవతా క్షమో రావణ తేన తే .

అనాదృత్య తు తద్వాక్యం రావణ: కాలచోదిత: ..1.1.51..

జగామ సహ మారీచస్తస్యాశ్రమపదం తదా .

తేన మాయావినా దూరమపవాహ్య నృపాత్మజౌ ..1.1.52..

జహార భార్యాం రామస్య గృధ్రం హత్వా జటాయుషమ్ .

గృధ్రం చ నిహతం దృష్ట్వా హృతాం శ్రుత్వా చ మైథిలీమ్ ..1.1.53..

రాఘవశ్శోకసన్తప్తో విలలాపాకులేన్ద్రియ: .

తతస్తేనైవ శోకేన గృధ్రం దగ్ధ్వా జటాయుషమ్ ..1.1.54..

మార్గమాణో వనే సీతాం రాక్షసం సన్దదర్శ హ .

కబన్ధన్నామ రూపేణ వికృతం ఘోరదర్శనమ్ ..1.1.55..

తం నిహత్య మహాబాహుర్దదాహ స్వర్గతశ్చ స: .

స చాస్య కథయామాస శబరీం ధర్మచారిణీమ్ ..1.1.56..

శ్రమణీం ధర్మనిపుణామభిగచ్ఛేతి రాఘవ . 1-1-51-

సో.?భ్యగచ్ఛన్మహాతేజాశ్శబరీం శత్రుసూదన: ..1.1.57..

శబర్యా పూజితస్సమ్యగ్రామో దశరథాత్మజ: .

పమ్పాతీరే హనుమతా సఙ్గతో వానరేణ హ ..1.1.58..

హనుమద్వచనాచ్చైవ సుగ్రీవేణ సమాగత: .

సుగ్రీవాయ చ తత్సర్వం శంసద్రామో మహాబల: ..1.1.59..

ఆదితస్తద్యథావృత్తం సీతాయాశ్చ విశేషత: .

సుగ్రీవశ్చాపి తత్సర్వం శ్రుత్వా రామస్య వానర: ..1.1.60..

చకార సఖ్యం రామేణ ప్రీతశ్చైవాగ్నిసాక్షికమ్ .

తతో వానరరాజేన వైరానుకథనం ప్రతి ..1.1.61..

రామాయావేదితం సర్వం ప్రణయాద్దు:ఖితేన చ .

ప్రతిజ్ఞాతం చ రామేణ తదా వాలివధం ప్రతి ..1.1.62..

వాలినశ్చ బలం తత్ర కథయామాస వానర: .

సుగ్రీవశ్శఙ్కితశ్చాసీన్నిత్యం వీర్యేణ రాఘవే ..1.1.63..

రాఘవప్రత్యయార్థం తు దున్దుభే: కాయముత్తమమ్ .

దర్శయామాస సుగ్రీవో మహాపర్వతసన్నిభమ్ ..1.1.64..

ఉత్స్మయిత్వా మహాబాహు: ప్రేక్ష్య చాస్థి మహాబల: .

పాదాఙ్గుష్ఠేన చిక్షేప సమ్పూర్ణం దశయోజనమ్ ..1.1.65..

బిభేద చ పునస్సాలాన్సప్తైకేన మహేషుణా .

గిరిం రసాతలం చైవ జనయన్ప్రత్యయం తథా ..1.1.66..

తత: ప్రీతమనాస్తేన విశ్వస్తస్స మహాకపి: .

కిష్కిన్ధాం రామసహితో జగామ చ గుహాం తదా ..1.1.67..

తతో.?గర్జద్ధరివర: సుగ్రీవో హేమపిఙ్గల: .

తేన నాదేన మహతా నిర్జగామ హరీశ్వర: ..1.1.68..

అనుమాన్య తదా తారాం సుగ్రీవేణ సమాగత: .

నిజఘాన చ తత్రైనం శరేణైకేన రాఘవ: ..1.1.69..

తతస్సుగ్రీవవచనాద్ధత్వా వాలినమాహవే .

సుగ్రీవమేవ తద్రాజ్యే రాఘవ: ప్రత్యపాదయత్ ..1.1.70..

స చ సర్వాన్సమానీయ వానరాన్వానరర్షభ: .

దిశ: ప్రస్థాపయామాస దిదృక్షుర్జనకాత్మజామ్ ..1.1.71..

తతో గృధ్రస్య వచనాత్సమ్పాతేర్హనుమాన్బలీ.

శతయోజనవిస్తీర్ణం పుప్లువే లవణార్ణవమ్..1.1.72..

తత్ర లఙ్కాం సమాసాద్య పురీం రావణపాలితామ్ .

దదర్శ సీతాం ధ్యాయన్తీమశోకవనికాం గతామ్ ..1.1.73..

నివేదయిత్వా.?.?భిజ్ఞానం ప్రవృత్తిం చ నివేద్య చ .

సమాశ్వాస్య చ వైదేహీం మర్దయామాస తోరణమ్ ..1.1.74..

పఞ్చ సేనాగ్రగాన్హత్వా సప్తమన్త్రిసుతానపి .

శూరమక్షం చ నిష్పిష్య గ్రహణం సముపాగమత్ ..1.1.75..

అస్త్రేణోన్ముక్తమాత్మానం జ్ఞాత్వా పైతామహాద్వరాత్ .

మర్షయన్రాక్షసాన్వీరో యన్త్రిణస్తాన్యదృచ్ఛయా ..1.1.76..

తతో దగ్ధ్వా పురీం లఙ్కామృతే సీతాం చ మైథిలీమ్ .

రామాయ ప్రియమాఖ్యాతుం పునరాయాన్మహాకపి: ..1.1.77..

సో.?ధిగమ్య మహాత్మానం కృత్వా రామం ప్రదక్షిణమ్ .

న్యవేదయదమేయాత్మా దృష్టా సీతేతి తత్త్వత: ..1.1.78..

తతస్సుగ్రీవసహితో గత్వా తీరం మహోదధే: .

సముద్రం క్షోభయామాస శరైరాదిత్యసన్నిభై: ..1.1.79..

దర్శయామాస చాత్మానం సముద్రస్సరితాం పతి: .

సముద్రవచనాచ్చైవ నలం సేతుమకారయత్ ..1.1.80..

తేన గత్వా పురీం లఙ్కాం హత్వా రావణమాహవే .

రామ: సీతామనుప్రాప్య పరాం వ్రీడాముపాగమత్ ..1.1.81..

తామువాచ తతో రామ: పరుషం జనసంసది .

అమృష్యమాణా సా సీతా వివేశ జ్వలనం సతీ ..1.1.82..

తతో.?గ్నివచనాత్సీతాం జ్ఞాత్వా విగతకల్మషామ్ .

బభౌ రామస్సమ్ప్రహృష్ట: పూజితస్సర్వదైవతై: ..1.1.83..

కర్మణా తేన మహతా త్రైలోక్యం సచరాచరమ్ .

సదేవర్షిగణం తుష్టం రాఘవస్య మహాత్మన: ..1.1.84..

అభిషిచ్య చ లఙ్కాయాం రాక్షసేన్ద్రం విభీషణమ్ .

కృతకృత్యస్తదా రామో విజ్వర: ప్రముమోద హ ..1.1.85..

దేవతాభ్యో వరం ప్రాప్య సముత్థాప్య చ వానరాన్ .

అయోధ్యాం ప్రస్థితో రామ: పుష్పకేణ సుహృద్వృత: ..1.1.86..

భరద్వాజాశ్రమం గత్వా రామస్సత్యపరాక్రమ: .

భరతస్యాన్తికం రామో హనూమన్తం వ్యసర్జయత్ ..1.1.87..

పునరాఖ్యాయికాం జల్పన్సుగ్రీవసహితశ్చ స: .

పుష్పకం తత్సమారుహ్య నన్దిగ్రామం యయౌ తదా ..1.1.88..

నన్దిగ్రామే జటాం హిత్వా భ్రాతృభిస్సహితో.?నఘ: .

రామస్సీతామనుప్రాప్య రాజ్యం పునరవాప్తవాన్ ..1.1.89..

ప్రహృష్టముదితో లోకస్తుష్ట: పుష్టస్సుధార్మిక: .

నిరామయో హ్యరోగశ్చ దుర్భిక్షభయవర్జిత: ..1.1.90..

న పుత్రమరణం కిఞ్చిద్ద్రక్ష్యన్తి పురుషా: క్వచిత్ .

నార్యశ్చావిధవా నిత్యం భవిష్యన్తి పతివ్రతా: ..1.1.91..

న చాగ్నిజం భయం కిఞ్చిన్నాప్సు మజ్జన్తి జన్తవ: .

న వాతజం భయం కిఞ్చిన్నాపి జ్వరకృతం తథా ..1.1.92..

న చాపి క్షుద్భయం తత్ర న తస్కరభయం తథా .

నగరాణి చ రాష్ట్రాణి ధనధాన్యయుతాని చ ..1.1.93..

నిత్యం ప్రముదితాస్సర్వే యథా కృతయుగే తథా .

అశ్వమేధశతైరిష్ట్వా తథా బహుసువర్ణకై: ..1.1.94..

గవాం కోట్యయుతం దత్వా బ్రహ్మలోకం ప్రయాస్యతి .

అసంఖ్యేయం ధనం దత్వా బ్రాహ్మణేభ్యో మహాయశా: ..1.1.95..

రాజవంశాన్శతగుణాన్స్థాపయిష్యతి రాఘవ: .

చాతుర్వర్ణ్యం చ లోకే.?స్మిన్ స్వే స్వే ధర్మే నియోక్ష్యతి ..1.1.96..

దశవర్షసహస్రాణి దశవర్షశతాని చ .

రామో రాజ్యముపాసిత్వా బ్రహ్మలోకం ప్రయాస్యతి .. 1.1.97..

ఇదం పవిత్రం పాపఘ్నం పుణ్యం వేదైశ్చ సమ్మితమ్ .

య: పఠేద్రామచరితం సర్వపాపై: ప్రముచ్యతే ..1.1.98..

ఏతదాఖ్యానమాయుష్యం పఠన్రామాయణం నర: .

సపుత్రపౌత్రస్సగణ: ప్రేత్య స్వర్గే మహీయతే .. 1.1.99.. 1-1-92-

పఠన్ద్విజో వాగృషభత్వమీయాత్

స్యాత్క్షత్రియో భూమిపతిత్వమీయాత్ .

వణిగ్జన: పణ్యఫలత్వమీయాత్

జనశ్చ శూద్రో.?పి మహత్వమీయాత్ ..1.1.100..

ఇత్యార్షే శ్రీమద్రామాయణే వాల్మీకీయ ఆదికావ్యే బాలకాణ్డే (శ్రీమద్రామాయణకథాసఙ్క్షేపో నామ) ప్రథమ: సర్గ:

శ్రీ వాల్మీకి మహర్షి రచించిన శ్రీమద్రామాయణం నందలి బాలకాండ లోని 2 వ సర్గము